两个月冇见萧正楠 翠如搵唐诗咏庆中秋

两个月冇见萧正楠 翠如搵唐诗咏庆中秋艺员黄翠如、苗侨伟、陈豪、麦明诗、许绍雄等在到马鞍山宣传主演的热播剧集《使徒行者2》,活动上一众主演宣布剧集内地浏览已破十亿,翠如表示自己亦有在网上追睇,得知剧集及歌曲有好成绩,翠如说:「好开心,因为苗侨伟、宣萱同周柏豪佢哋喺外地多人识,成个製作都好好。」

适逢中秋佳节,翠如指男友萧正楠已到加拿大工作,未能齐齐庆祝:「其实都已经有两个月见唔到喇,我哋各自出埠,不过我都有拎佢啲月饼券去派嘅。(同萧正楠屋企人庆祝?)今晚约咗唐诗咏去我屋企,再一齐出去玩。(去兰桂坊?)太老喇唔啱玩!年纪大咗,可能食完饭出去行吓。」

讲到男友萧正楠到加拿大工作,好友曹永廉更会到刚发生枪击案的拉斯维加斯,翠如说:「呢个世畀嘅危险变得好近,任何工作总之到外地都要注意安全。讲Safe Trip已经唔係普通祝福,係真係希望大家可以安全返嚟。」讲到翠如早前在社交网站贴出13年前在前公司的照片,翠如说:「好感触,每个人都有唔同方向,有人结婚生仔、有人转咗行,人生真係好得意。」

----------------------
东网已全面支援360影片及相片,让你全方位睇尽新闻大事,恍如置身现场,立即登入东网360网页: http://on.cc/360/

如仍未更新东网App,请按此连结收睇360影片: https://goo.gl/1JACcd